پی ٹی آئی رہنماؤں کو سزائیں ایک سوچے سمجھے منصوبے کے تحت دلائی جا رہی ہیں، بیرسٹر ڈاکٹر سیف

پشاور:وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ پی ٹی آئی رہنماؤں کو سزائیں ایک سوچے سمجھے منصوبے کے تحت دلائی جا رہی ہیں۔،عمران خان کی رہائی کی تحریک سے عین پہلے جھوٹے مقدمات میں سزائیں دلوانا تحریک کو کمزور کرنے کی ناکام کوشش ہے، پی ٹی آئی قیادت کو جھوٹے مقدمات میں سزائیں دی گئی ہیں، بیرسٹر ڈاکٹرسیف نے کہا کہ سزائیں دلوانے سے واضح ہوتا ہے کہ جعلی حکومت عمران خان کی رہائی کی تحریک سے شدید خوفزدہ ہے، تحریک سے پہلے سزائیں دلوانا پی ٹی آئی قیادت اور کارکنوں کو دبانے کی ناکام کوشش ہے،پی ٹی آئی قیادت اور کارکن جعلی حکومت کے جھوٹے مقدمات سے دبنے والے نہیں ہیں، جعلی اور سفاک حکومت نے کینسر میں مبتلا بزرگ خاتون یاسمین راشد کو بھی 10 سال قید کی سزا دلوائی۔انہوں نے کہا کہ سزاؤں کے باوجود یاسمین راشد سمیت تمام رہنماؤں کا حوصلہ قابلِ دید ہے۔ عمران خان کی رہائی کی تحریک کے لیے خیبر پختونخوا سمیت پورے ملک میں تیاریاں زور و شور سے جاری ہیں،پی ٹی آئی قیادت اور کارکن عمران خان کی رہائی کے لیے کسی قربانی سے دریغ نہیں کریں گے۔بیرسٹر ڈاکٹر سیف نے مزید کہا کہ خیبر پختونخوا میں علی امین خان گنڈاپور کی قیادت میں تحریک کے لیے تمام تر تیاریاں جاری ہیں۔ پورے صوبے میں ورکرزکنونشنز اور کارنر میٹنگز کا انعقاد کیا جا رہا ہے،ورکر کنونشنز جلسوں میں تبدیل ہو جاتے ہیں، جو ظاہر کرتا ہے کہ عوام اور کارکن تحریک کے لیے کس قدر پُرجوش ہیں۔ انہوں نے کہا کہ جعلی حکومت اوچھے ہتھکنڈوں سے عمران خان کی رہائی کی تحریک ناکام بنا نہیں سکتی بلکہ اس سے تحریک مزید مضبوط ہورہی ہے۔ جعلی مقدمات سے پی ٹی آئی کارکن دبنے والے نہیں ہیں۔ کارکن تحریک کے لئے پرجوش ہیں۔ بیرسٹر ڈاکٹرسیف نے کہا کہ تحریک کے لئے صوبہ بھر میں تیاریاں جاری ہیں عوام بڑھ چڑھ کر تیاریوں میں حصہ لے رہے ہیں۔