اسلام آباد ہائی کورٹ میں حالیہ تبادلوں کی شدید مذمت کرتے ہیں، بیرسٹر ڈاکٹر سیف

پشاور: وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے اسلام آباد ہائی کورٹ میں حالیہ تبادلوں کی شدید مذمت کرتے ہوئے کہا ہے کہ پاکستان تحریک انصاف اس فیصلے کے خلاف وکلاء برادری کے ساتھ کھڑی ہے،ججز کے تبادلے نظامِ انصاف کو مفلوج کرنے کے مترادف ہیں سینئر ججز کو نظرانداز کرکے جونیئر ججز کی تعیناتی انصاف کے نظام پر اثرانداز ہونے کی کوشش ہے۔بیرسٹر ڈاکٹر سیف نے مزید کہا کہ ملک پر دہائیوں سے مسلط سیاسی اشرافیہ عدلیہ کی آزادی سلب کرنے کے درپے ہے، سیاسی اشرافیہ عدالتوں کو بھی سیاست کا اکھاڑا بنا رہی ہے۔ بیرسٹر ڈاکٹر سیف نے کہا کہ جعلی حکومت کے غیر قانونی فیصلوں کے خلاف وکلاء، صحافی اور سیاستدان سڑکوں پر نکل آئے ہیں۔ مشیر اطلاعات بیرسٹر ڈاکٹر سیف نے کہا کہ موجودہ جعلی وفاقی حکومت نے ملک کو تباہی کے دہانے پر کھڑا کیا ہے۔ کوئی بھی شعبہ ایسا نہیں ہے جو جعلی حکومت نے بخشا ہو۔ ہر شعبے میں تباہی پھیری ہے اور سیاست کا نشانہ بنایا ہے۔ عدالتوں کو بھی سیاست کے نذر کیا ہوا ہے ۔