+92-91-0000000

Peshawar

گیلپ سروے مور کے منہ میں سانپ ہے، مریم نواز گیلپ کے منہ میں بیٹھ کر زہر اگل رہی ہیں، بیرسٹر ڈاکٹر سیف

Share This Post

پشاور:وزیراعلی خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے گیلپ کی جانب سے کئے گئے حالیہ سروے سے متعلق اپنے ایک بیان میں کہا ہے کہ گیلپ سروے مور کے منہ میں سانپ ہے، مریم نواز گیلپ کے منہ میں بیٹھ کر زہر اگل رہی ہیں۔ افغان مہاجرین پر زہر، پارکس کا شور، اور پنجاب میں بزنس ہیون کا جھانسہ جعلی حکومت کی جانب سے مزاحیہ ڈرامہ ہے۔ گیلپ کا سروے فارم 47 حکومتوں کی ایماء پر تیار شدہ سیاسی سکرپٹ ہے۔ مشیر اطلاعات بیرسٹر ڈاکٹر سیف نے کہا کہ مفروضوں پر مبنی سروے کا حقیقت سے دور دور تک واسطہ نہیں۔ گیلپ غیر جانبدار ہے تو مریم بی بی کی تباہ کاریاں اور جنوبی پنجاب کی محرومیاں بھی دکھائے۔سندھ میں کچے کے ڈاکوؤں اور کراچی کی گندگی پر گیلپ نے عوامی رائے کیوں نہیں لی۔سیاسی جماعتیں اور ان کا بیانیہ جعلی سروے سے نہیں، عوام کے ووٹ سے بنتے ہیں، مشیر اطلاعات بیرسٹر ڈاکٹر سیف نے مزید کہا کہ عوام جانتی ہے کہ ان کے مینڈیٹ کو کون چوری کر کے اقتدار میں بیٹھا ہے۔ووٹ چور سروے جیسے ہتھکنڈوں سے عوام کو گمراہ نہیں کر سکتے۔گیلپ چند ٹکوں کے عوض اپنی ساکھ داؤپر لگا رہا ہے۔انہوں نے کہا کہ عمران خان اور تحریک انصاف کی مقبولیت کو سروے سے قابو کرنا خوابوں میں ممکن ہے۔