وزیر اعلیٰ علی امین خان گنڈاپور خود تیراہ واقعے کی نگرانی کر رہے ہیں,بیرسٹر ڈاکٹرسیف

پشاور:وزیر اعلیٰ خیبر پختونخوا کے مشیربرائے اطلاعات و تعلقات عامہ بیرسٹر ڈاکٹرسیف نے کہا ہے تیراہ واقعے کی وزیر اعلیٰ علی امین خان گنڈاپور خود نگرانی کر رہے ہیں، وزیر اعلیٰ مسلسل متعلقہ انتظامیہ کے ساتھ رابطے میں ہیں اوروزیر اعلیٰ نے قبائلی عمائدین کا جرگہ بھی پشاور طلب کیا ہے، جس میں عمائدین کو سنا جائیگا، انہوں نے کہا کہ خیبر پختونخوا حکومت نے ایسے واقعات کی روک تھام کے لیے گزشتہ ہفتے بھی آل پارٹیز کانفرنس طلب کی تھی، بیرسٹر ڈاکٹر سیف نے مزید کہا کہ فیصل کریم کنڈی سمیت اپوزیشن جماعتوں نے غیر سنجیدگی کا مظاہرہ کر تے ہوئے کانفرنس کا بائیکاٹ کیا،خیبر پختونخوا حکومت تیراہ واقعے پر انتہائی افسردہ ہے اور حکومت نے جاں بحق افراد کے لیے ایک کروڑ روپے جبکہ زخمیوں کے لیے 25 لاکھ روپے کی امداد کا اعلان کیا ہے،خیبر پختونخوا حکومت متاثرہ خاندانوں کے غم میں برابر کی شریک ہے اورصوبائی حکومت دکھ اور غم کی اس گھڑی میں متاثرہ خاندانوں کے ساتھ شانہ بشانہ کھڑی ہے