مینڈیٹ چوروں کے انٹرنیٹ سلو کرنے کے غیر آئینی اقدام سے عوام رل رہے ہیں، مشیر اطلاعات
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ مینڈیٹ چوروں کے انٹرنیٹ سلو کرنے کے غیر آئینی اقدام سے عوام رل رہے ہیں۔ سلو انٹرنیٹ نے ای کامرس انڈسٹری کو اربوں کانقصان پہنچادیا ہے۔ ملک میں سلو انٹرنیٹ نے ڈ یجیٹل اور آئی ٹی سیکٹر کو تباہ کردیا ہے۔ ان خیالات کا اظہار انہوں نے یہاں سے جاری اپنے ایک بیان میں کیا۔ بیرسٹر ڈاکٹر سیف نے کہا کہ دوسرے ممالک میں حکومتیں شہریوں کو فائیو جی اور جدید انٹرنیٹ سروسز فراہم کررہی ہیں مگریہاں پر نااہل ٹولے نے ہر شعبے کو تباہی کے دہانے پر پہنچا دیاہے۔ نااہل وفاقی مینڈیٹ چور ٹولے نے ملک کو پتھر کے زمانے میں دھکیل دیا ہے۔ فارم 47 ٹولے نے سوشل میڈیا پلیٹ فارمزپر بھی پابندی لگائی ہے۔ ڈیجیٹل رائٹس اور انسانی حقوق کی تنظیمیں پاکستان میں فائر وال، سوشل میڈیا بندش اور سلو نیٹ پر آواز بلند کریں۔