مفتی منیر شاکر کی وفات پر انتہائی دکھ وافسوس ہوا،بیرسٹر ڈاکٹر سیف

پشاور:مشیر اطلاعات و تعلقات عامہ خیبر پختونخوا بیرسٹر ڈاکٹر سیف نے اپنے ایک تعزیتی بیان میں کہا کہ مفتی منیر شاکر کی وفات پر انتہائی دکھ وافسوس ہوا،دکھ اور غم کی اس گھڑی میں متاثرہ خاندانوں کے غم میں برابر کے شریک ہیں۔ بیرسٹر ڈاکٹرسیف نے کہا کہ شہید مفتی منیر شاکر کے بلند درجات کے لئے دعاگو ہوں۔انہوں نے کہا کہ علماء کرام پر حملے انتہائی تشویشناک اور قابل مذمت ہیں، معصوم جانوں کے قاتل انسانیت کے دشمن ہیں۔مشیر اطلاعات بیرسٹر ڈاکٹر سیف نے کہا کہ امن دشمن عناصر کو ہر صورت کیفر کردار تک پہنچائیں گے۔