مشیر اطلاعات بیرسٹر ڈاکٹر سیف کی ڈی آئی خان میں دہشتگردوں کے صحت مرکز پر حملے کی مذمت
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے ڈی آئی خان میں دہشتگردوں کے صحت مرکز پرحملے میں خواتین عملے اور دو بچوں سمیت پانچ افراد کی شہادت پر اظہار افسوس کرتے ہوئے کہا ہے کہ ملک میں دہشت گردی کے واقعات میں ملوث افراد انسان کہلانے کے قابل نہیں۔ یہاں سے جاری اپنے بیان میں مشیر اطلاعات نے شہداء کے اہل خانہ سے ہمدردی اور تعزیت کا اظہار دکیا اور پسماندگان کے لئے صبر جمیل کی دعا کی۔انہوں نے کہا کہ دہشتگردی کے خلاف جنگ میں شہریوں اور سیکیورٹی فورسز نے لازوال قربانیاں دی ہیں اور ان کی یہ قربانیاں رائیگاں نہیں جائیں گی۔