مشیر اطلاعات بیرسٹرڈاکٹر سیف کی اکبرپورہ میں روزنامہ آج کے رپورٹر حسن زیب کے قتل کی مذمت
پشاور: اتوار کو جاری ایک بیان میں وزیر اعلیٰ خیبر پختونخوا کے مشیر اطلاعات و تعلقات عامہ بیرسٹرڈاکٹر سیف نے اکبرپورہ میں فائرنگ کے نتیجے میں جاں بحق روزنامہ آج کے رپورٹر حسن زیب کے قتل کی شدید مذمت کرتے ہوئے واقعہ پر گہرے دکھ اور افسوس کا اظہار کیا۔ ان کا کہنا تھا کہ صحافی حسن زیب کے قتل میں ملوث افراد کو جلد از جلد گرفتار کر کے قرار واقعی سزا دی جائے گی۔ مشیر اطلاعات کا کہنا تھا کہ پاکستان میں تواتر کے ساتھ صحافیوں پر حملوں کا سلسلہ جاری ہے، صحافیوں پر تشدد، اغوا اور دھمکیاں معمول بن چکی ہیں۔ ان کا کہنا تھا کہ خیبر پختونخوا میں صحافیوں کے تحفظ کو یقینی بنایا جائے گا۔مشیر اطلاعات بیرسٹر سیف نے مرحوم کے درجات کی بلندی،جنت الفردوس میں اعلیٰ مقام اور پسماندگان کیلئے صبر جمیل کی دعا کی۔