مخصوص نشستوں کے حوالے سے تاریخی فتح کا کریڈٹ وزیراعلی علی امین گنڈاپور کو جاتا ہے، بیرسٹر ڈاکٹر سیف
پشاور:وزیر اعلی خیبر پختونخوا کے مشیر برائے اطلاعات و تعلقات عامہ بیرسٹرڈاکٹر سیف نے کہا ہے کہ الیکشن کمیشن کے غیر آئینی اقدامات کا راستہ سب سے پہلے وزیر اعلی علی امین گنڈاپور نے روکا تھا، انہوں نے خیبر پختون خوا میں مخصوص نشستوں پر امیدواروں کوحلف نہیں لینے دیا۔ ہفتہ کو جاری ایک بیان میں مشیر اطلاعات کا کہنا تھا کہ وزیر اعلی نےتمام تر پریشر کے باوجود الیکشن کمیشن کے غیر آئینی اقدام کا ڈٹ کر مقابلہ کیا جس کے بعد سپریم کے تاریخی فیصلے نے علی امین گنڈاپور کے موقف پر مہر تصدیق ثبت کرتے ہوئے الیکشن کمیشن کے فیصلے کو غیر آئینی قرار دے دیا۔ان کا کہنا تھا کہ کیس کے فیصلے میں جتنے عوامل کار فرما تھے اس میں وزیر اعلی علی امین گنڈاپور کا کردار بہت اہم رہا، الیکشن کمیشن کی تمام غیر آئینی اقدامات کے خلاف وزیر اعلی علی امین گنڈاپور ڈٹ کر کھڑے ہوئے تھے، انہوں نے آئینی اور قانونی طریقے سے الیکشن کمیشن کے غیر آئینی اقدامات کا ڈٹ کر مقابلہ کیا۔مشیر اطلاعات بیرسٹرڈاکٹر سیف نے کہا کہ جعلی حکومت کے خاتمے اور عمران خان رہائی تحریک بھی علی امین گنڈاپور پور خیبرپختونخوا سے بھرپور طریقے سے لیڈ کریں گے۔