خواجہ آصف دفاعی امور میں کم اور زیادہ تر نہروں میں ڈبکیاں لگاتے دکھائی دیتے ہیں، بیرسٹرڈاکٹر سیف
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا کہ خواجہ آصف دفاعی امور میں کم اور زیادہ تر نہروں میں ڈبکیاں لگاتے دکھائی دیتے ہیں،خواجہ آصف کو نہر میں چھلانگ لگانے سے فرصت ملے تو ملکی دفاع پر توجہ دیں گے۔ بیرسٹر ڈاکٹر سیف نے کہا کہ خواجہ آصف جب اپوزیشن میں تھے تو قومی سلامتی معاملات پر زہر اگلتے تھے۔ قومی اسمبلی کے فلور پر قومی سلامتی اداروں کے خلاف نفرت انگیز بیانات آج بھی ریکارڈ کا حصہ ہیں۔ اقتدار ملتے ہی خواجہ آصف اور انکی پارٹی نے 180 ڈگری پر یو ٹرن لیا ہے۔ انہوں نے کہا کہ اپوزیشن میں یہ لوگ ریاست کے خلاف بغاوت پر اتر آتے ہیں جبکہ اقتدار میں محب وطن بن جاتے ہیں۔ خواجہ آصف میں تھوڑی سی شرم ہوتی تو ریحانہ ڈار کے خلاف فارم 47 کا استعمال نہ کرتے۔