جیل انتظامیہ کی جانب سے عمران خان کوسہولیات کی فراہمی کا انتہائی فقدان ہے جس پر عمران خان سخت نالاں ہیں،بیرسٹر ڈاکٹر سیف

پشاور:وزیر اعلی خیبرپختونخوا کے مشیر اطلاعات و تعلقات عامہ بیرسٹر ڈاکٹر سیف نیپاکستان تحریک انصاف کے بانی عمران خان سے ملاقات کی ہے۔ملاقات کے بعد بیرسٹر سیف نے کہا ہے کہ جیل انتظامیہ کی جانب سے عمران خان کوسہولیات کی فراہمی کا انتہائی فقدان ہے جس پر عمران خان سخت نالاں ہیں،عمران خان اور بشریٰ بی بی کو جیل میں ذہنی اذیت دینے میں کوئی کسر نہیں چھوڑی جارہی ہے۔عمران خان نے بتایا کہ جیل میں انسانی حقوق کی دھجیاں اڑائی جا رہی ہیں، اورعمران خان قیدِ تنہائی کاٹ رہے ہیں۔ ٹی وی، اخبار، کتابیں اور یہاں تک کہ کپڑے بھی فراہم نہیں کیے جا رہے، ملاقاتیں بھی نہیں کروائی جارہی، جس کی وجہ سے وہ بیرونی حالات سے مکمل طور پر لاعلم ہیں، بیرسٹر ڈاکٹر سیف نے مزید کہا کہ عمران خان کو وزیراعلیٰ اور دیگر اراکین کے لاہور کیدورے اور احتجاجی سرگرمیوں کے بارے میں بھی علم نہیں تھامیں نے انہیں وزیراعلیٰ کے لاہور کیدورے اور وہاں ہونے والی احتجاجی سرگرمیوں پر بریفنگ دی۔بیرسٹر ڈاکٹر سیف نے بتایا کہ جیل میں بشریٰ بی بی کو بھی ذہنی اذیت دی جارہی ہے، بشریٰ بی بی کو گندا پانی دیا جا رہا ہے، خوراک میں رکاوٹ ڈالی جا رہی ہے، بشریٰ بی بی کو گزشتہ دنوں زہریلے کیڑے نے پاؤں پر کاٹا تھا جس کی وجہ سے وہ ایک ہفتہ بیمار رہیں، عمران خان نے بتایا کہ رہائی کے بعد جیل میں ظلم ڈھانے والے افسران اور متعلقہ حکام کو چھوڑوں گا نہیں، بیرسٹر ڈاکٹرسیف نے کہا کہ تمام تر اذیت کے باوجود عمران خان اور بشری بی بی کے حوصلے بلند ہیں.انہوں نے کہا کہ میری اہلیہ کو تکلیف دے کر میرا حوصلہ توڑنے والے ناکام اور شرمسار ہوں گے۔ اور اگر میری اہلیہ کو کچھ ہوا تو میں زمہ اروں کو معاف نہیں کروں گا۔ بیرسٹر ڈاکٹر سیف نے کہا کہ ملاقات میں سینیٹ انتخابات اور احتجاجی تحریک کے حوالے سے تفصیلی گفتگو ہوئی، عمران خان نے سینیٹ امیدواروں کی ترجیحی فائنل فہرست فراہم کر دی، ثانیہ نشتر کی نشست پر مشعال یوسفزئی کے نام کو حتمی شکل دے دی گئی،اوردیگر امیدواروں میں مراد سعید، فیصل جاوید، مرزا آفریدی اور پیر نورالحق قادری شامل ہیں جبکہ ٹیکنوکریٹ سیٹ پر اعظم سواتی اور خواتین سیٹ پر روبینہ ناز شامل ہیں، ملاقات کے دوران عمران خان نے ملک گیر احتجاج فوری طور پر شروع کرنے کی ہدایت بھی جاری کی، بیرسٹر ڈاکٹر سیف نے کہا کہ عمران خان نے پارٹی رہنماؤں کے درمیان بیان بازی اور ایک دوسرے کے خلاف سوشل میڈیا مہم چلانے پر شدید افسوس اور غصے کا اظہار کیا، اور سخت ہدایات دیں کہ تمام رہنماؤں کو میرا پیغام پہنچایا جائے کہ وہ ایک دوسرے کے خلاف بیان بازی اور سوشل میڈیا پر مہم چلانے سے باز رہیں، سوشل میڈیا کو آپس میں ایک دوسرے کے خلاف استعمال کرنے کی بجائے پارٹی کا بیانیہ مضبوط بنانے کے لیے استعمال کریں، تمام رہنما احتجاجی تحریک کے لیے متحد اور یکسو ہوں،عمران خان نے وزیراعلیٰ اور تمام ذمہ داران کو احتجاجی تحریک کے سلسلے میں سخت ہدایات جاری کیں اور وزیراعلیٰ اور تمام ذمہ داران کو فوری احتجاجی تحریک شروع کرنے کی ہدایت کی۔