عید کے موقع پر عمران خان اور پارٹی کارکنان کی باحفاظت رہائی کے لئے قوم سے دعاؤں کی اپیل ہے،بیرسٹر ڈاکٹر سیف
عید کے موقع پر عمران خان اور پارٹی کارکنان کی باحفاظت رہائی کے لئے قوم سے دعاؤں کی اپیل ہے،بیرسٹر ڈاکٹر سیف
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ قوم سے جعلی فارم 47 حکومت کے خاتمے اور عمران خان کے وژن کی تکمیل کے لئے دعا کی اپیل ہے، سعودی عرب میں موجود حجاج کرام سے خصوصی دعاؤں کی اپیل ہے، بانی پی ٹی آئی سمیت سیاسی اسیران قوم کی حقیقی آزادی کے لئے قید و بند کی صعوبتیں کاٹ رہے ہیں۔اپنے ایک بیان میں انہوں نے کہا کہ مریم نواز کے احکامات پر عمران خان کو اذیتیں دی جارہی ہیں، مریم نواز پی ٹی آئی کی خواتین ورکرز کو خاص اذیت کا نشانہ بنا رہی ہیں۔بیرسٹر سیف نے کہا کہ سازشی ٹولے نے عمران خان اور کارکنان پر جعلی مقدمات بنائے ہیں، دنیا کی تاریخ میں اتنے جعلی مقدمات کسی لیڈر پہ نہیں بنے جتنے خان پہ بنے ہیں۔مشیر اطلاعات بیرسٹر سیف نے کہا کہ جعلی مقدمات کے ذریعے سازشی ٹولہ اپنی جعلی حکومت بچانا چاہتا ہے، عمران خان کی رہائی کے لئے عید کے فور بعد فیصلہ کن معرکہ شروع کیا جائیگا، جعلی سلطنت کو زمین بوس کرکے عمران خان کی رہائی یقینی بنائی جائیگی، سازشی ٹولے کے اقتدار کے دن گنے جاچکے ہیں۔
About The Author
