بانی پی ٹی آئی عمران خان کے حوالے سے اقوام متحدہ کے انسانی حقوق کے ورکنگ گروپ کی حالیہ رپورٹ نے ہماری موقف کی تائید کردی، بیرسٹر ڈاکٹر سیف
بانی پی ٹی آئی عمران خان کے حوالے سے اقوام متحدہ کے انسانی حقوق کے ورکنگ گروپ کی حالیہ رپورٹ نے ہماری موقف کی تائید کردی، بیرسٹر ڈاکٹر سیف
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا کہ قوم کے ساتھ عالمی برادری نے بھی عمران خان کی گرفتاری بین الاقوامی قوانین کی خلاف ورزی قرار دی۔ اقوامِ متحدہ کے ورکنگ گروپ برائے جبری حراست نے دو ٹوک الفاظ میں عمران خان کو فوری طور پر رہا کرنے کا مطالبہ کیا ہے۔ ان خیالات کا اظہار انہوں نے بدھ کو یہاں سے جاری اپنے ایک بیان میں کیا۔ بیرسٹر سیف نے کہا کہ ہم روز اول سے کہتے رہے کہ بانی پی ٹی آئی پر تمام مقدمات سیاسی بنیادوں پر بنائے گئے۔ جعلی فارم 47 سرکار میں انسانی حقوق کی پامالی اور بین الاقوامی قوانین کی خلاف ورزی دھڑادھڑ جاری ہے۔ بغض عمران میں سازشی ٹولہ ملکی اور بین الاقوامی دونوں قوانین کو پاوں کے نیچے روند رہے ہیں۔ بین الاقوامی قوانین کی خلاف ورزی جعلی حکومت کو مہنگی پڑے گی بیرسٹر سیف نے کہا کہ بین القوامی قوانین کی خلاف ورزی پر عالمی سطح پر ملکی بدنامی ہورہی ہے۔ عمران خان پر مینڈیٹ چور سرکار نے جعلی مقدمات درج کئے۔ انہوں نے کہا کہ بانی پی ٹی ائی اور دیگر کارکنان کے خلاف مقدمات فی الفور ختم کیے جائیں۔
About The Author
