پرامن شہریوں کو نشانہ بنانا ایک بزدلانہ فعل ہے، بیرسٹر ڈاکٹر سیف
مشیر اطلاعات و تعلقات عامہ بیرسٹر ڈاکٹر سیف کا میرعلی بارودی دھماکے پر اظہار افسوس و مذمت
پشاور:وزیر اعلیٰ خیبرپختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے شمالی وزیرستان کی تحصیل میرعلی میں بارودی دھماکے کی مذمت کرتے ہوئے کہا کہ پرامن شہریوں کو نشانہ بنانا ایک بزدلانہ فعل ہے۔ انہوں نے زخمی افراد کی جلد صحت یابی کے لئے دعا اور نیک خواہشات کا اظہار بھی کیا ہے۔ بیرسٹر ڈاکٹر سیف نے کہا کہ دکھ کی اس گھڑی میں زخمی اور متاثرہ خاندانوں کے ساتھ برابر کے شریک ہیں۔