پاکستان کا قیام لاکھوں مسلمانوں کی قربانیوں کا نتیجہ ہے، بیرسٹرڈاکٹر سیف

پشاور: وزیر اعلی خیبر پختونخوا کے مشیر برائے اطلاعات و تعلقات عامہ بیرسٹرڈاکٹر سیف نے یومِ آزادی پر جاری پیغام میں کہا ہے کہ 14 اگست ہماری تاریخ کا وہ سنہرا باب ہے جو ہمیں لازوال قربانیوں کی یاد دلاتا ہے۔ مشیر اطلاعات نے کہا ہے کہ پاکستان کا قیام لاکھوں مسلمانوں کی قربانیوں کا نتیجہ ہے جن کی وجہ سے آج ہم ایک آزاد اورپرامن فضا میں سانس لے رہے ہیں۔ ان کا کہنا تھا کہ یومِ آزادی ہمیں پاکستان کو اقوام عالم میں باوقار ریاست بنانے کا جذبہ و امنگ دیتا ہے، آج ہم ملکرعہد کریں کہ خیبر پختونخوا اور پاکستان کو ترقی یافتہ اور خوش حال بنانے کے لیے بھرپور کردار ادا کریں گے۔ مشیر اطلاعات بیرسٹرڈاکٹر سیف نے کہا کہ یومِ آزادی پر وطنِ عزیزکے ان دلیر سپوتوں کو بھی سلام جنہوں نے بے شمار قربانیاں دیں، اپنے لہو کا نذرانہ دے کر ملک کی نظریاتی اور جغرافیائی سرحدوں کی حفاظت کی۔

About The Author

drsaif

See author's posts