مشیر اطلاعات خیبر پختونخوابیرسٹر ڈاکٹر سیف نے وفاقی وزیر خزانہ محمد اورنگزیب کے حالیہ اعترافی بیان پر ردعمل دیتے ہوئے کہا ہے کہ وزیر خزانہ کا مہنگائی پر قابو نہ پانے اور ایف بی آر میں کرپشن کا اعتراف اس جعلی حکومت کے جھوٹے دعووں کی نفی ہے۔انہوں نے کہا کہ محمد اورنگزیب ایک ذمہ دار شخصیت ہیں جنہوں نے حکومت کی اصل حقیقت عوام کے سامنے رکھ دی ہے۔ وزیر خزانہ اور وزیراعظم شہباز شریف ایک پیج پر نہیں دکھائی دے رہے، جو حکومتی انتشار اور ناکامی کا واضح ثبوت ہے۔بیرسٹر ڈاکٹر سیف نے کہا کہ وزیر خزانہ کے بیان کے بعد کم از کم شہباز شریف کی آواز کو موبائل رنگ ٹون سے ہٹا دینا چاہیے، کیونکہ عوام اب وہ رنگ ٹون سن کر ایک دوسرے کو فون کرنا بھی چھوڑ چکے ہیں۔انہوں نے مزید کہا کہ مارکیٹ میں سودا خریدتے وقت جب یہ رنگ ٹون بجتی ہے توعوام اس کو سن کر اگ بگولہ ہوجاتے ہیں جو اس بات کا ثبوت ہے کہ حکومت نے عوام کو صرف مایوسی دی ہے۔بیرسٹر ڈاکٹر سیف نے مطالبہ کیا کہ جعلی دعووں کی بجائے عوام کو حقیقی ریلیف فراہم کیا جائے۔ مشیر اطلاعات نے کہا کہ عوام کو جھوٹے دعوووں اور وعدوں پر مزید ٹرخانا بند کیا جائے