پشاور:بلاول بھٹو احتجاج کی بجائے اپنے والد سے پوچھیں کہ نہروں کی منظوری کیوں دی؟مشیر اطلاعات
وزیر اعلی خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا ہے کہ نہروں کے معاملے پر صدر زرداری نے یا تو سندھ کے عوام کے پیٹ میں چھرا گھونپا ہے یا ان کی یادداشت جواب دے گئی ہے انھوں نے کہاکہ پیپلز پارٹی دونوں باتوں میں سے ایک کو مانے، دونوں کی ایک ساتھ تردید ممکن نہیں، ہفتے کے روزیہاں پشاور سے جاری کردہ اپنے ایک بیان میں انھوں نے کہا کہ اگر آصف زرداری کی ذہنی حالت ٹھیک نہیں تو وہ اعلیٰ ترین عہدے پر کیوں براجمان ہیں؟ فوری مستعفی ہوں، صدر زرداری کو اپنی جسمانی اور ذہنی حالت کیوجہ سے خود مستعفی ہونا چاہئیے، انھوں نے مزید کہاکہ پیپلز پارٹی نہروں کے معاملے پر صرف ووٹ بچانے کی کوشش کر رہی ہے، نہروں کی منظوری خود صدر آصف علی زرداری نے دی، بیرسٹر ڈاکٹر سیف نے کہا کہ آصف زرداری کی منظوری اور بلاول بھٹو کی مخالفت سمجھ سے بالاتر ہے، پیپلز پارٹی احتجاج کا ڈرامہ رچا کر ووٹ بینک بچانے کی کوشش کر رہی ہے، انھو ں نے یاد دلایا کہ نہروں کا معاملہ سب سے پہلے پاکستان تحریک انصاف نے اٹھایا تھا، بلاول بھٹو احتجاج کی بجائے اپنے والد سے پوچھیں کہ نہروں کی منظوری کیوں دی؟
نہروں کے معاملے پر صدر زرداری نے یا تو سندھ کے عوام کے پیٹ میں چھرا گھونپا ہے یا ان کی یادداشت جواب دے گئی ہے، بیرسٹر ڈاکٹر سیف
