لاشوں اور انتشاری سیاست مسلم لیگ ن کا وطیرہ رہا ہے،مشیر اطلاعات بیرسٹر ڈاکٹر سیف
لاشوں اور انتشاری سیاست مسلم لیگ ن کا وطیرہ رہا ہے،مشیر اطلاعات بیرسٹر ڈاکٹر سیف
ماڈل ٹاون میں خواتین اور بچوں کی لاشیں مسلم لیگ ن کی حکومت میں گرائیں گئیں تھیں،بیرسٹر ڈاکٹر سیف
پشاور:وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا کہ لاشوں کی سیاست مسلم لیگ ن ہی کا وطیرہ رہا ہے۔ ماڈل ٹاون میں خواتین اور بچوں کی لاشیں آپ ہی کی حکومت نے گرائی تھیں۔ انتشاری سیاست بھی مسلم لیگ ہی کا شیوا ہے۔ سپریم کورٹ پر حملہ اور اب ایک پھر سپریم کورٹ کے خلاف زہراگلنا واضح ثبوت ہے۔ جعلی فارم 47 حکومت عزم استحکام اور بنوں واقعے پر سیاست چمکارہی ہے۔ ان خیالات کا اظہار انہوں نے یہاں سے جاری اپنے ایک بیان میں کیا۔ انہوں نے کہا کہ جعلی حکومت کے پاس سیاسی بیان بازی کے سوا کچھ نہیں ہے، سیکورٹی جیسے اہم معاملات سیاست کے نذر کرنا مسلم لیگ کا پرانا وطیرہ ہے۔ جعلی حکومت عمران خان اور پی ٹی آئی کی بڑھتی مقبولیت سے خائف ہیں۔ اس قسم کے غیر ذمہ دارانہ بیانات سے عمران خان اور پی ٹی آئی کو عوام کے دلوں سے نہیں نکالا جاسکتا ہے۔ انہوں نے کہا کہ عطا تارڑغیر ذمہ دارانہ بیانات کے ذریعے جعلی حکومت کو موجودہ حالات سے بری الذمہ قرار دینے کی کو شش کررہے ہیں اورجعلی حکومت کے وزراء بداحواسی میں کچھ بھی بول دیتے ہیں۔